بحث

07-31-2007, 07:13 PM arege تاريخ الإنضمام 07-06-2007 المشاركات 11 مشربتش من نيلها (يا وحش)جربت تغنيلها (يا كخه) مين اللى سمع أغنية مشربتش من نيلها بتاعه شيرين أكيد الكل سمعها طب يعنى نعمل إيه الأغانى الوطنية شغالة  وإحنا عمالين نغنيها ولا بنعمل بحاجة حتى لو هنعمل مفيش مجال لأى إبداع على الأقل فى الوقت ده لا فيه وظايف ولا تكليف وكله زى بعه بقى خريج التجارة زى خريج الطب حتى الطب شالوه التكليف يبقى إيه اللى يشجع على دخوله كل الشباب بيهربوا بره عشان يدوروا على الشغل ويحققوا أحلا مهم ويلا قوا ذاتهم اللى مش لاقينها فى بلدهم بالذمة ده كلام؟؟؟؟ فين بقى الشباب وأمل المستقبل وخير الغد والكلام ده كله بقى وسايط بقى الأخير على الدفعة يبقى معيد عشان أبوه أووالدته دكتور والشاطر مالوش مكان ولا فيه تشجيع ولا حاجة والعمل الحر محتاج رأس مال وده الشباب يجيبوه منين وهوه حتى لو أتوظف مابيخدش أكتر من 250 جنيه يكفوا إيه دلوقتى ونرجع بعد كده نقول العيال هربت و مسافرين ومهاجرين بره ليه أنا مابخالفش رأى بعض الأدباء فى إن مصر هى الموطن ماشى مقلتش حاجة بس لازم أحقق ذاتى وأنا مش عارف أحققهافى بلدى يبقى أدور بره بقى عليها أكيد قضيت أيام حلوة فى بلدى بس ده أيام زمان زى الشاعر العظيم عبد الرحمن الأبنودى وغيره  أنا فى أول قصة قرأتها فى سافارى عذرت علاء لإن عنده حق لازم الواحد يسافر ويتغرب عشان يكون نفسه إحنا ممكن ندى بلدنا كتير بس إحنا برده عايزينها تساعدنا وتتسع لينا  ياريت تقولوا رأيكم

07-31-2007, 11:42 PM RoZaN تاريخ الإنضمام 06-20-2007 المشاركات 207 رد: مشربتش من نيلها (يا وحش)جربت تغنيلها (يا كخه) رأيى ان اول فرصة تجيلى للسفر بره هستغلها

08-01-2007, 12:09 AM حميراء تاريخ الإنضمام 07-21-2007 المشاركات 2 رد: مشربتش من نيلها (يا وحش)جربت تغنيلها (يا كخه) أنا رأيى يا جماعة انى محدش يفقد الأمل العيب فينا احنا مش فى بلدنا واحنا اللى بايدينا نصلحه يبقى معقول نسيب البلد ونمشى يبقى كده بالزمة ايه اللى حيتغير فى البلد طبعا حتقولولى بكل مرارة ساخرة (ازاى يا فالحة ان شاء الله؟؟؟( حقول فاكرين ثورة 19 عملت ايه لن أضف تفاصيل أكتر!!!!!!!!!!!

08-01-2007, 10:35 AM arege تاريخ الإنضمام 07-06-2007 المشاركات 11 رد: مشربتش من نيلها (يا وحش)جربت تغنيلها (يا كخه) شفتى إنتى ياروزان قلتى إيه عايزة تهربى لأنك مش لاقية نفسك فى بلدك أو لأن الصورة إن بلاد بره أحسن بقت منتشرة ويا حميراء أنا شايفة إنك متفائلة أوى ثورة 19 إيه اللى بتقولى عليها هوه الواحد عارف يعمل حاجة وإحنا سايبين اللى عمال ياكل فلوس البلد واحد ورا التانى إحنا شعب جبان بس ليه

08-02-2007, 05:36 PM arege تاريخ الإنضمام 07-06-2007 المشاركات 11 رد: مشربتش من نيلها (يا وحش)جربت تغنيلها (يا كخه) تقصدى إيه يا روزان بالكلام ده؟؟؟ مش فاهمه إيه قصدك

08-04-2007, 12:40 AM محمود ناجى تاريخ الإنضمام 06-17-2007 المشاركات 229 رد: مشربتش من نيلها (يا وحش)جربت تغنيلها (يا كخه) بلاش كلام فى السياسة احسن كل حاجة تمام التمام والجو جميل و الامن مستتب

08-05-2007, 11:38 PM arege تاريخ الإنضمام 07-06-2007 المشاركات 11 رد: مشربتش من نيلها (يا وحش)جربت تغنيلها (يا كخه) ماشى يا أستاذ محمود بلاش كلام فى السياسةثم إنى مش عاوزة أتكلم فى السياسة أنا بس عايزة نقول إيه اللى مخلى الباب بتهاجر ومتهيئلى إن قلت نقطة موجودة كتير فى حياتنا

08-08-2007, 02:23 AM dido408 تاريخ الإنضمام 07-18-2007 المشاركات 6 رد: مشربتش من نيلها (يا وحش)جربت تغنيلها (يا كخه) بصراحة انا موافق معاكي في كل حاجة البلد مينفعش يتقعد فيها خالص انا في كليه طب ومستني الفرصه تيجي عشان اسافر وامشي واخد العيلة كلها معايا عشان بصراحة اللي يعقد في مصر يبقي بيدفن نفسه وده رايي هوه سوداوي شوية بس هوه ده الواقع

08-08-2007, 02:29 PM admin تاريخ الإنضمام 05-08-2005 المشاركات 12 رد: مشربتش من نيلها (يا وحش)جربت تغنيلها (يا كخه) هو بصراحة الموقع غير مخصص للكلام فى اى مواضيع غير الروايات بس انا ليا تعليق صغير و أرجو ان الموضوع ده ممكن يُكمل فى أى منتدى آخر سواء سافرت او فضلت هنا فأنت مصرى يبقى بدل متدور على الهروب منها تدور انت و غيرك ازاى تصلحوها.... - مين فيكم نزل فى الأجازات يشتغل .. انتوا فاكرين ان الناس بره بتقعد تستنى تاخد المصروف من أهلها. - مين معاه بطاقة انتخابية و بينزل ينتخب.. الناس بره مبيقعدوش يحطوا ايدهم على خدهم ده حتى اللى منهم مغترب هنا او فى اى بلد تانية بيروح سفارة بلده ينتخب. - زى معندوكوا ستعداد تروحوا اى مكان بره تشتغلوا اى حاجة ما البلد مليانة أشغال فاضية كتير بس الناس هى اللى قاعدة مغمضة عنيها. عايزين يقعدوا فى البيت قدام التليفزيون و الدش و عايزين و هما قاعدين فى القهوة بيلعبوا ... و عايزين و هما مش متعلمين و مبيحاولوش ينموا نفسهم الشغل يجيلهم. قبل متهاجم بلدك شوف انت / انتى عملتلها ايه علشان فى المقاب هى تديك؟؟ بره بيطلع عينهم فبيلاقوا اللى فى المقابل لكن انت/ انتى هنا عايزين نقعد فى البيت و يطلعلك العفريت من المصباح

08-08-2007, 03:37 PM جويرية تاريخ الإنضمام 08-02-2007 المشاركات 21 رد: مشربتش من نيلها (يا وحش)جربت تغنيلها (يا كخه) اتهيئلى المشرف عنده حق العيب يا جماعة فينا احنا وعندنا امكانيات كتيرة جدا بس احنا اللى مش عايزين نستغلها أوبنتاجاهلها تماما  ده حتى مكنش أحمد زويل اخترع الفمتو ثانية ومكنش نجيب محفوظ خد جائزة نوبل للأدب ومكنش العرب من أيام زمان أمثال الحسن بن الهيثم فسر نظرية الضوء وأسس علم البصريات ومكنش ملك صقلية روجر الثانى استدعى الإدريسى لرسم خريطة العالم واحنا برضه لسه عايزين نسيبهاو نهج ينفع كده؟؟؟

08-08-2007, 06:48 PM arege تاريخ الإنضمام 07-06-2007 المشاركات 11 رد: مشربتش من نيلها (يا وحش)جربت تغنيلها (يا كخه) متشكرة لكل الأعضاء والadmin على الردود أنا مش متفقة مع المشرف فى حاجة الواحد مش عايز مصباح علاء السحرى ولا حاجة إحنا بنتعب بجد عشان نلاقى وظيفة بس المحبط إننا مانلاقيش وظيفة تناسب طموحاتنا والله أنا بشوف واحد خريج هنسة وبيشتغل سباك أو عامل دهان ده كلام وفعلا قالها أحد المسئولين(بعد المعاش طبعا) إن مصر مدفن للمواهب والقدرات أنا آسفة إن كان الموضوع مش فى محله أو مش مناسب للمنتدى أنا خلاص حاقفل الموضوع

08-20-2007, 01:39 PM الشبح 2007 تاريخ الإنضمام 08-11-2007 المشاركات 14 رد: مشربتش من نيلها (يا وحش)جربت تغنيلها (يا كخه) لو كل واحد يفكر فى الهجرة من سيظل بالبلاد

08-20-2007, 09:12 PM ليمونة تاريخ الإنضمام 08-06-2007 المشاركات 19 رد: مشربتش من نيلها (يا وحش)جربت تغنيلها (يا كخه) انا كمان كام سنه هبقي خريجه فنون تطبيقيه ان شاء الله وبتقدير كمان ده لو محصلتش اي حاجه وحشه المهم انا البنت اول ما دخلت الكليه نوييت لني اسافر بره وده من غير نقاش حتي اهلي موافقني علي السفر مع العلم ان اعداد الدارسين في الكليه صغير جدا جدا بالنسبه لباقي الكليات اكن نقول ايه بقي

08-21-2007, 01:30 PM admin تاريخ الإنضمام 05-08-2005 المشاركات 12 رد: مشربتش من نيلها (يا وحش)جربت تغنيلها (يا كخه) هتسافرى بره تعملى ايه؟؟؟؟ هتكملى دراسة منتى ممكن تكمليها هنا علشان شغل مش هتشتغلى فى مجالك اول متسافرى و هنا شغل الفنون تطبيقية كتير و كل المجالات الشغل كتير بس اللى مش بيفكر يتعب نفسه و يدور اكيد مش هيلاقى

12-19-2007, 09:37 PM eng_monmon تاريخ الإنضمام 08-18-2007 المشاركات 7 رد: مشربتش من نيلها (يا وحش)جربت تغنيلها (يا كخه) من غير شعارات مصر دي بلدي وحته مني حتي لو ضايقتني اواتظلمت فيها اوطلعت عيني هتفضل بلدي وهفضل احبها واموت في ترابها ولو يوم طلعت منها هيكون غصب عني وهاكون بتقطع وانا بسيبها مش اكون مكرره من قبل ما اتخرج او احاول اي محاوله اني اهج منها وعندنا " علاء عبد العظيم " مثال حي قدمنا حاول اكتر من مره ولما فشل فكر في الهجره وحت وهو بره عايشبقلب عاشق لمصر وكل ما فيها حتي الرازله والرخامه واحشينه وانا فاكره انه مره قال في قصه ان مصر زي امه ممكن يزعل منها ويتخانق معاها ويسيبها ويطفش لمنه في الوقت ذاته مايقبلش ان اي حد يمسها بنص كلمه وفي مابفتكرش غير كلام عمنا صلاح جاهين لما قال  على اسم مصر التاريخ يقدر يقول ما شاء أنا مصر عندي أحب وأجمل الأشياء باحبها وهي مالكه الأرض شرق وغرب وباحبها وهي مرميه جريحة حرب باحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلقيني جنبها في الكرب والنبض ينفض عروقي بألف نغمة وضرب وفي اي وقت مصر هتلتفت تلاقيني جنبها في الكرب

12-25-2007, 08:35 AM miss potter تاريخ الإنضمام 08-11-2007 المشاركات 241 رد: مشربتش من نيلها (يا وحش)جربت تغنيلها (يا كخه) اولا الموضوع ده جامد جدا يا ريت يتنقل الى المناقشات العامه يكون احسن ثانيا : انا مع ليمونة ان هى تسافر بره سيبك بقى الوقتى من المجالات التانية عشان دى عايزة كلام كتير لا ليمونه تخصصها فنون تطبيقية مش هتلاقى حد هنا يساعدها من الاخر مصر مبتعترفش اللا بالشهاده اللى انتى بتاخديها اصل يا جماعه احنا دولة ورق اديهم شهادة الفن اللى انتى اخداها هيوقولولك روحى يللا من هنا ميعرفوش ان الفن ممكن يكون سبب من اسباب التقدم ده دلوقتى عشان تاخدى دبلومة فى مجال ما لازم تاخدى دورة الكمبيوتر ICDL و الانجليزى التويفل و فى الاخر تقومى تقدميهم مع ورقك و تنسى كل اللى انتى اخدتيه متقولوليش العيب منى لانى كفاية عليا مواد الدبلومة يعنى مثلا و لنفترض واحده تخصصها فرنساوى بتاخد التويفل ليه ما هى هتنساه تانى لا و الادهى من كده ان هما سنه يلغوا الشروط ديه و مرة يزودوها زى ما يكون احنا حقل تجارب  مفيش حد ليه كلمه يمشى التعليم ده صح ............. ؟! مع العلم انى فى الصف الثالث الاعدادى لكنى مش متفائلة خالص لان بلدنا ديه متستحقش بعد الكلية انك تاخديلها حاجة لانك فى نظرهم و لا حاجة اذا كان المعيدين فى كليات الطب ذات نفسها الدكاترة بيعاملوهم اسوا معاملة ليه يعنى شغالين عندهم و هما ميقدروش ينطقوا عشان عايزين درجات كويسه ..... معلش يا جماعه بما اننا تطرقنا لموضوع التعليم انا بس فيه حاجة عايزة اقولها بما انك يا ادمن عايزانا ند فى بلدنا و نعمرها واحد فى الثانوية العامة جايب 99% و كان عايز يدخل هندسة بترول و تعدين فخلاص بيشوف بقى التنسيق و كده لقى الكلية بتاخد من 99.1% بالذمه ده مش ظلم و اللا هتقوليلى كمان انه خايب ؟؟؟؟؟؟؟؟ ده لو فى كلية بره هيخلوه الملك بتاعهم معلش يا جماعه رغيت كتير بس ده واقع لازم نعيشه و عماااااااااااار يا مصر miss potter قائدة شلة فتيات الرعب

12-29-2007, 01:55 PM نور تاريخ الإنضمام 07-10-2007 المشاركات 117 رد: مشربتش من نيلها (يا وحش)جربت تغنيلها (يا كخه) عمار يامصر ايوه عمار لو مش عمار دلوقتي هنعمرها .... استفزني الموضوع من بدايته بس اكتر حاجه استفزتني هي كلمه ميس بوتر ( متستحقش ) هي مين ديه اللي متستحقش بلدي وبلدك وبلدنا كلنا كلكم عايزين تسفره وتهربه اوكي انتو تقدرو تعمله كده كلنا كمتعلمين ومعانا شهدات نقدر نهرب نسيب البلد بس هنسبها لمين دي بلدنا  احنا.... البلاد اللي عايزين تروجوها ايه اللي هيضمنلكم انها هتعملكم كويس هتديكم مجال انكم تكونو فيها حاجه الكل هيقول د/ زويل واللي حققه الكلام ده قبل 11/ سبتمبر وقبل نظره الغرب للعرب والمسلمين ... بدل مانفكر نسيب بلدنا نفكر ازاي هنميها نعمرها نخليها زي البلاد اللي عيزين تروحوها .... نفكر اننا لو مشينا منها في كتير هيداسو في كتير مش متعلمين في مصر مين اللي هيجبلهم حقهم ..... مصر بلد شهدات ووسايط نخليها غير كده نشتغل شويه علي بلدنا البلاد المتقدمه اللي حلوه اوي في عنينا متخلقتش متقدمه كانو زينا بس الفرق انهم كانو بيحبو بلدهم بيحبوها بجد عايزنها تكون حاجه مهربوش منها وقالو احنا ملنا ..... ( مشربتش من نيلها ) ايوه شربت من نيل بلدي جالي امراض بسبب تلوث نهر بلدي بس هشيل منه التلوث ومن البلد كلهاعلشان ولادنا مستقبلا ميجلهمش الامراض... بس انا مش هغنلها انا هشغلها هنميها هعمرها هفضل فيها دي بلدي انا مش هسبها هرجعها احسن بلد في العالم علشان ( تستحق ) اكتر من اللي هي فيه بكتتتتتتتتيييير

12-30-2007, 01:34 PM admin تاريخ الإنضمام 05-08-2005 المشاركات 12 رد: مشربتش من نيلها (يا وحش)جربت تغنيلها (يا كخه) ايه يعنى يا ميس بوتر لما تفرق 0.1 من بترول يدخل هندسة او يدخل حاسبات فرقت 0.1 من دول فى تجارةو حقوق و فى كليات كتيير اوى مش مهم هو فى كلية ايه المهم هو عايز يبقى حاجة و لا لأ اللى عايز يبقى حاجة بيبقى فى وسط اى جو و اللى عايز يقعد و الحاجة تجيله لغاية عنده عمره مهيوصل لأى شىء لعلمك انا مش بقول كلام و خلاص ده كلام من واقع تجربة خاصة و تجارب ناس كتير حواليا مش الحل ابداَ ان نمشى و نسيب بلدنا و نروح نغسل صحون فى بلاد تانية انتى فى بلدك هتكونى بكرامتك و لو عايزة تبقى ناجحة هتنجحى و لو مش عايزة هيبقى باختيارك مش بلدك السبب

01-02-2008, 11:28 PM miss potter تاريخ الإنضمام 08-11-2007 المشاركات 241 رد: مشربتش من نيلها (يا وحش)جربت تغنيلها (يا كخه) يا جماعه مصر ملهاش ذنب انا اصدى على الحكومة مش الحكومة هى البلد و اللا انا بيتهيالى ؟؟؟؟ و كمان انا مش معاكى يا ادمن فى حكاية الواحد من عشرة ديه اللى انتى بتقوليه ده على واحد معندوش هدف اى حته و ربنا يسهل لكن ده شخص تعب و ربنا وفقه و جاب مجموع كبير و مع ذلك مدخل عشان ربع درجه ليه يعنى ؟؟؟ و كمان هو كله توفيق من عند ربنا بس هو مش فى ايده حاجة اصل هى بقت كوسة و بالنسبة للنيل من اعظم الاشياء اللى فى مصر بس ليه الحكومة سايبة الناس تلوثة هو ممكن اكون انا بلوثة لكن مش زى المصانع اللى بترمى فيه مخلفاتها ياا ريت تكونوا فهمتوا اصدى بالحكومة مش بتكلم عن ارضنا مصر بتكلم عن الللى ماسكنها اذا كنتم شايفين غير كده يمكن انا الغلطانه و مع ذلك الاختلاف فى الراى لايفسد فى الود قضية شكرا ليكى يا ادمن و شكرا ليكى يا نور و لو فى حاجة ناوية تعمليها عشان نصلح البلد انا معاكى و بجد انا نفسى تكون بلدنا احسن بلد فى الدنيا  و يا ريت الباقى يدخل يقول رايه

01-03-2008, 04:18 PM البنت المصرية تاريخ الإنضمام 12-16-2007 المشاركات 17 رد: مشربتش من نيلها (يا وحش)جربت تغنيلها (يا كخه) ياجماعة انامقدرة شعور الاحباط اللي عندكم بس الموضوع عمره ما هيتحل لازم نفكر ازاي نصلح مش نحط ادينا على خدنا ونعيط وعلى فكرة هم المصريين العظماؤ اللي كانوا قبلنا كانت ظروفهم احسن مننا على فكرة بقى كانت اوحش بكتير بس عرفوا الغلط فين وراحوا يصلحوه مقعدوش يندبوا حظهم زي حالتنا ......لازم كل واحد يشوف هو مقصر في ايه ويبدأبنفسه واللي حوليهيعني ميبقاش الواحد قاعد على القهوة ومستني الشغل ياتي اليه ايه يعني لما يبقى دكتور مشلاقي شغل مايتصرف انشالله حتى يمسك الشنطة بتعته ويروح لحد بيت الريض صحيح انا عايشة في السعودية بسعارفة الاخبار وشفت ان اللي عايز يشتغل بيشتغل وعلى فكرة السفر برة مش سهل زي نا انتو فاهمين والشغل برة بقى قليل جدا يعني مثلا عندي هنا في السعودية البطالة كثرت جدا وبقوا يسفروا العمالة الاجنبية عشان السعوديين يشتغلوا.......يبقى كل واحد يفكر كويس ويفكر ازاي يحافظ على بلده وعلى كرامة بلده

صفحة 1 من 2 (22 عنصر) 1 2 »

روايات مصـــرية » مـنـتـديـات روا... » سافاري » مشربتش من نيلها (يا وحش)جربت تغنيلها (يا كخه)

(رجاء أختر) الصفحة الرئيسة الصفحة الرئيسة للمنتديات |- بحث فى المنتديات |- المواضيع النشطه |- المشاركات التي لم يرد عليها خيارات المستخدم |- تسجيل الدخول |- تسجيل عضو جديد |- نسيت كلمة المرور الدعم الفني والتنويهات العامة |- مـنـتـدى الإقـتـراحـات والإسـتـفـسـارات |- الأخـبـار والتـنـويـهــات مـنـتـديـات روايـات مـصـريـة |- أغلفة الروايات |- لـوتـس |- حـنـيـن |- أوراق مجهول |- عالم آخر |- قـصـص الكُـتّـاب |- مـقـالات الكُـتّـاب |- مرسي Communications |- الـمـكــتـب 17 |- فــلاش |- ما وراء الطبيعة |- فانتازيا |- المشروع ألفا |- سافاري |- حرب الجواسيس |- حالات خاصة |- الأعداد الأولى فى كل السلاسل |- ملف المستقبل |- رجل المستحيل |- كوكتيل 2000 |- مغامرات ( س ) المـنـتـديــات العامــة |- إبـداعات القـُـرَّاء |- مـنـتـدى الأدب |- مـنـاقـشـات عـامـة |- حول العالم |- الرياضة |- فتيان و فتيات المنتدى قصص تفاعلية |- القصص |- التعليق على القصص الفنون |- رعب * رعب |- قسم الصور |- الأفلام الأجنبى |- أغانى عربى |- الأفلام العربى |- الفنون الجميلة ( الرسم ) |- الـفـنـون |- أغانى أجنبى و موسيقى